Gujarat News

ગુજરાત ના સફાઈ કામદારના પરિવાર સાથે CM કેજરીવાલે કર્યું ભોજન,યુવક કેજરીવાલને મળતા થયો ભાવુક,જુઓ વીડિયો

September 26, 2022September 26, 2022 DHNews Comments(139)

દિલ્હીના સીએમ અરવિંદ કેજરીવાલે ગુજરાતના દલિત સફાઈ કામદાર હર્ષ સોલંકી સાથે તેમના ઘરે ભોજન લીધું હતું. કેજરીવાલે હર્ષ સોલંકીને પોતાના ઘરે લંચ માટે આમંત્રણ આપ્યું હતું. આ આમંત્રણનો સ્વીકાર કરીને હર્ષ અને તેનો પરિવાર હવાઈ માર્ગે ગુજરાતથી દિલ્હી પહોંચ્યો હતો. દિલ્હી એરપોર્ટ પર રાઘલ ચઢ્ઢાએ તેમનું સ્વાગત કર્યું હતું.

લંચ પછી મીડિયા સાથે વાત કરતા સીએમ અરવિંદ કેજરીવાલે કહ્યું કે અમારા આખા પરિવારને ગમ્યું કે હર્ષ સોલંકી, તેની માતા અને તેની બહેન મારા આમંત્રણ પર અમારા ઘરે આવ્યા અને મારા આખા પરિવાર સાથે લંચ કર્યું. ગુજરાતથી અમારા ઘરે આટલા દૂર આવવા બદલ હું તેમના સમગ્ર પરિવારનો આભાર માનું છું.

તેમણે કહ્યું કે, મને ગુજરાતમાંથી હર્ષ સોલંકીના પરિવારને તેમના ઘરે હોસ્ટ કરવાનું સૌભાગ્ય મળ્યું છે. અમારા બંનેના પરિવારજનોએ સાથે બેસીને ભોજન કર્યું. ભગવાન તેમના સમગ્ર પરિવારને સુખ અને સમૃદ્ધિ આપે.

સીએમ કેજરીવાલને મળ્યા બાદ હર્ષ સોલંકી ભાવુક થઈ ગયા હતા. તેમણે કહ્યું કે 75 વર્ષમાં પહેલીવાર કોઈ નેતાએ દલિત સમાજના છોકરાને કહ્યું કે, પહેલા તું મારા ઘરે ખાવા માટે આવ, પછી હું તારા ઘરે આવીશ. આ ગૌરવની વાત છે. જાણે ખુલ્લી આંખે સપનું જોઉં છું.

સોમવારે, સફાઈ કર્મચારીઓ અને તેમનો આખો પરિવાર સોમવારે સવારે દિલ્હી એરપોર્ટ પહોંચ્યા, જ્યાં AAPના રાજ્યસભા સાંસદ રાઘવ ચઢ્ઢાએ તેમનું સ્વાગત કર્યું. પંજાબ ભવનમાં તેમના રોકાણની વ્યવસ્થા કરવામાં આવી છે. મુખ્યમંત્રી અરવિંદ કેજરીવાલે સફાઈ કર્મચારીઓ અને તેમના પરિવારોની અવરજવર માટે પણ વ્યવસ્થા કરી છે.

ગુજરાતમાં એક સંવાદ દરમિયાન, એક સફાઈ કામદારે AAPના રાષ્ટ્રીય કન્વીનર અને દિલ્હીના સીએમ અરવિંદ કેજરીવાલને તેમના ઘરે ભોજન લેવા આમંત્રણ આપ્યું હતું. જેના પર કેજરીવાલે સોલંકીને આમંત્રણ આપ્યું અને કહ્યું કે તમે પહેલા મારા ઘરે આવો અને પરિવાર સાથે ભોજન કરો. જ્યારે હું મારી આગામી ટૂર પર ગુજરાત આવીશ ત્યારે હું તમારા ઘરે જઈને ભોજન કરીશ.

આ જ તો છે આમ આદમી પાર્ટીની ઓળખ!

આમ આદમી પાર્ટી દેશના પ્રત્યેક આમ આદમી માટે નિસ્વાર્થ ભાવે કામ કરે છે. અત્યાર સુધી આપણે જોયું છે કે નેતા લોકોના ઘરે વૉટ મંગાવા જતા હતા, પરંતુ આજે ખુદ એક મુખ્યમંત્રીએ સફાઈ કામદાર એવા દલિત યુવાન હર્ષ સોલંકી તથા એમના પરિવારને પોતાના ઘરે જમાડ્યા. pic.twitter.com/IXtfbYRJLO

— AAP Gujarat | Mission2022 (@AAPGujarat) September 26, 2022