કમબેક: ટી 20 વર્લ્ડ કપ બાદ અનિલ કુંબલે ટીમ ઇન્ડિયાના મુખ્ય કોચ બની શકે છે, કોહલીની મુશ્કેલીઓ વધી જશે?

ટી 20 વિશ્વ બાદ રવિ શાસ્ત્રીનો મુખ્ય કોચ તરીકેનો કાર્યકાળ સમાપ્ત થશે. આવી સ્થિતિમાં અનિલ કુંબલેને ટીમના મુખ્ય કોચ બનાવી શકાય છે.

ટીમ ઈન્ડિયાના મુખ્ય કોચ રવિ શાસ્ત્રીનો કાર્યકાળ સંયુક્ત આરબ અમીરાત અને ઓમાનમાં રમાનારા આઈસીસી ટી 20 વર્લ્ડ કપ બાદ સમાપ્ત થશે. આ પછી BCCI નવા કોચની શોધમાં છે. કહેવામાં આવી રહ્યું છે કે ટીમ ઈન્ડિયાના પૂર્વ કોચ રહી ચૂકેલા અનિલ કુંબલે ફરી એકવાર વાપસી કરી શકે છે. અહેવાલો અનુસાર, કુંબલેએ મુખ્ય કોચ બનવાની સંમતિ વ્યક્ત કરી છે.

ન્યૂઝ એજન્સી એએનઆઈ સાથે વાત કરતા એક સૂત્રએ જણાવ્યું હતું કે, “આ કોઈ રહસ્ય નથી કે અનિલ કુંબલેએ મુખ્ય કોચ તરીકેના પહેલા કાર્યકાળમાં વધુ સારું કામ કર્યું હતું. હવે તે પૂર્વ કેપ્ટન કુંબલે પર નિર્ભર કરે છે કે તે બીજી વખત ટીમ ઇન્ડિયાના કોચ બનશે કે નહીં.

2017 માં કુબલેએ મુખ્ય કોચ પદેથી રાજીનામું આપ્યું હતું

અનિલ કુંબલેએ 2017 માં ભારતીય ક્રિકેટ ટીમના મુખ્ય કોચ પદેથી રાજીનામું આપ્યું હતું. તે સમયે ઘણા અહેવાલો હતા કે કેપ્ટન વિરાટ અને કોચ કાંબલે વચ્ચે અણબનાવ છે. જે બાદ BCCI એ રવિ શાસ્ત્રીને ટીમ ઈન્ડિયાના કોચ તરીકે નિયુક્ત કર્યા. હવે ટી 20 વર્લ્ડ કપ 2021 પછી રવિ શાસ્ત્રીનો કાર્યકાળ સમાપ્ત થવા જઈ રહ્યો છે.

કુંબલેના કાર્યકાળમાં ભારત ચેમ્પિયન્સ ટ્રોફીની ફાઇનલમાં પહોંચ્યું હતું

વર્ષ 2016 માં અનિલ કુંબલેને ભારતીય ક્રિકેટ ટીમના મુખ્ય કોચ બનાવવામાં આવ્યા હતા. તેમના નેતૃત્વમાં ટીમ ઇન્ડિયા 2017 માં ચેમ્પિયન્સ ટ્રોફીની ફાઇનલમાં પહોંચી હતી. જોકે ભારતને ફાઇનલમાં પાકિસ્તાન સામે હારનો સામનો કરવો પડ્યો હતો. બીજી બાજુ, જો આપણે કુંબલે વિશે વાત કરીએ, તો તે હાલમાં આઈપીએલ ટીમ પંજાબ કિંગ્સના મુખ્ય કોચ છે. એવું કહેવામાં આવી રહ્યું છે કે BCCI એ કુંબલેનો સંપર્ક કરતા પહેલા શ્રીલંકાના મહેલા જયવર્દનેનો સંપર્ક કર્યો હતો.