Uncategorized

પોલીસ ની મનમાની ,યુવકે માસ્ક નોતું પેહર્યું તો પોલીસે યુવક ના હાથ અને પગ માં ખિલ્લા ખોપી દીધા

કોરોના કાળમાં ઉત્તર પ્રદેશ પોલીસનો ભયાનક ચહેરો લોકો સમક્ષ આવ્યો છે. પોલીસે કોરોનાની ગાઇડલાઇન્સનું પાલન કરાવવા માટે નિર્દયતાની તમામ હદ વટાવી દીધી છે. પ્રથમ કિસ્સો બરેલીમાં સામે આવ્યો હતો, જેમાં અહીંના પોલીસ સ્ટેશન બારાદરીના જોગી નવાડામાં પોલીસે માસ્ક ન પહેરનાર એક યુવકના હાથ અને પગમાં ખીલ્લી ખોંસી દીધી હોવાનો આરોપ લગાડવામાં આવ્યો છે. ત્યાંજ રાયબરેલીમાં 5 યુવકોને આખી રાત પોલીસ સ્ટેશનમાં ઢોર માર માર્યો હોવાનો કિસ્સો પણ ચર્ચામાં આવ્યો હતો અને મઉમાં એક યુવકને મારતા-મારતા પોલીસ સ્ટેશન લઇ જવાયો હતો.

બરેલીના બારાદરી પોલીસ સ્ટેશનના વિસ્તારમાં રંજીતના હાથ અને પગમાં ખીલ્લી ખોંસેલી જોવા મળી હતી. પરિવારના સભ્યોએ જણાવ્યું હતું કે તે રાતે ઘરની બહાર બેઠો હતો ત્યારે પોલીસની ટૂકડી આવી અને તેને સ્ટેશને લઇ ગઇ હતી. પોલીસે રંજીતના હાથ-પગમાં ખીલ્લીઓ ખોંસી હોવાનો આક્ષેપ પણ પરિવારના સભ્યોએ લગાવ્યો હતો.રંજીતની માતા શીલા દેવીએ પણ સ્ટેશનમાં ફરિયાદ કરી હતી. જોકે, SSP રોહિત સજવાણે તમામ આક્ષેપની ખંડણી કરી હતી. તેઓએ જણાવ્યું હતું કે યુવકે 24 મેના રોજ પોલીસ સાથે અભદ્રતા કરી હતી. માસ્ક પહેર્યા વગર બહાર ફરી રહ્યો હતો. એના વિરૂદ્ધ FIR નોંધવામાં આવી હતી, ધરપકડ ન થાય એટલે આ યુવક વ્યૂહરચના ઘડી રહ્યો છે.

UPના મઉ જિલ્લામાં મોહમ્મદાબાદ સ્ટેશન વિસ્તારથી એક યુવકને પોલીસે ઢોર માર માર્યો હોય તેવો વીડિયો સામે આવ્યો છે. પોલીસ પર આરોપ લગાવવામાં આવ્યો હતો કે યુવક ઘરની બહાર ઉભો હતો ત્યારે પોલીસે તરત આવીને એની ધરપકડ કરી હતી. 2 પોલીસ કર્મચારીઓએ આ યુવકને ઢસડીને સ્ટેશન સુધી મારતા-મારતા લઇ ગયા હતા. આ સમગ્ર ઘટનાનો વીડિયો પણ વાઇરલ થયો છે. પોલીસે આ અંગે તપાસ કરવાનો આદેશ આપ્યો છે.ત્રીજો કિસ્સો રાયબરેલીનો છે. પોલીસે તિલક અર્પણ કર્યા પછી પરત ફરતા 5 વ્યક્તિને કેદ કરીને આખી રાત ઢોર માર માર્યો હતો. સિરસિરા ગામના રહેવાસી લવકુશ, શિવાકાંત, રાહુલ, વિનય કુમાર અને વિપિન તિવારીને SI મૃત્યુંજય કુમાર પર ઢોર માર માર્યા હોવાનો આક્ષેપ લગાવ્યો હતો.

યુવકોના જણાવ્યા પ્રમાણે તેઓ મિત્રની બહેનને તિલક અર્પણ કર્યા પછી પર ફરી રહ્યા હતા. ત્યારે સાદા કપડા પહેરેલા એક વ્યક્તિએ ગાડી ઊભી રાખવાનો ઇશારો કર્યો હતો. તેઓએ ગાડી ન રોકતા આગળ જઇને 112 પોલિસની મદદથી ઘેરો કરીને આમની ગાડીને રોકવામાં આવી હતી. આ તમામ લોકોને આખી રાત ઢોર માર મારવામાં આવ્યો હતો. આ અંગે પોલીસે જણાવ્યું હતું કે આ તમામ લોકો દારૂના નશામાં પોલીસ સાથે અભદ્રતા કરી રહ્યા હતા. પોલીસને ગોળી ગળાવીને ભાગ્યા હતા. આ તમામ વિરૂદ્ધ કલમ-151 અંતર્ગત કાર્યવાહી હાથ ધરાઇ છે.

5 Replies to “પોલીસ ની મનમાની ,યુવકે માસ્ક નોતું પેહર્યું તો પોલીસે યુવક ના હાથ અને પગ માં ખિલ્લા ખોપી દીધા

Leave a Reply

Your email address will not be published. Required fields are marked *